لغات تاریخیه و جغرافیه

Lugat-ı Tarihiyye ve Coğrafiyye

سانسور

سانسور — روماده تحریر نفوس و املاكه نظارت ایتمك كبی وظائفله مكلف ایكن مؤخراً پك بیوك اقتداره مالك اولان مأمورلرك اسمیدر بونلر بر اره+لق اخلاقه نظارت ایتمك و سناتو اعضالرینی و شوالیه لری رسوایلق تمغاسیله جزالندیرمق و ایجابنده سناتو اعضالرینی سناتودن طرد ایلمك كبی وظائفی دخی درعهده ایلدیلر. (٥۱٥۰ خ)+ده یعنی تارخ میلادك درت یوز قرق درت سنه مقدمنده سانسورلرك عددی ایكی+یه و مدت مأموریتلری بش سنه+یه منحصر اولدیغی حالده مؤخراً نفوذلرینی سوء استعمال ایدرلر قورقوسیله مدتلرینی بربچق سنه+یه تنزیل ایتدیلر و سانسورلر ابتدا اعیاندن آلنورایكن صكره ( پروبیلیوس فیلو) قانونی موجبنجه عوامدن دخی آلندیلر. بونلر سیللا زماننده موقتاً لغو و (اوكوست) زماننده قطعیاً محو ایدلمشدر. اك مشهورلری سانسور (قاتون) ایدی