سانسالوادور — امریقای وسطاده بر شهردر بو شهر+ینه بو نامده بر حكومتك مقر اداره+سی اولوب بر ینار طاغ اتكنده و(ژیكیلیسكو) نام نهر اوزرنده وغاته مالانك جنوب شرقیسندن ایكی یوز اوتوز كیلومترو مسافه+ده واقع اوله+رق قرق بیك نفوسی جامعدر ابنیه و اماكنی كوزل و تجارت و صناعتی الویرە+جك درجه+ده مكمل اولوب حوزۀ حكومتده حصوله كلان چوید و دخانك دبویی صاییلور
سانسالوادور حكومتی شمالاً بحر محیط كبیر و شمال غربیده غاته ملا ایله تحدید اولنور ۱۸۷٥۰ كیلو+مترو مساح+سی و درت یوز بیك نفوسی واردر . اولا غاته مالایه ملحق اولدیغی حالده (۱۸۳۷ م و ۱۲٥۳ ه)تاريخندن برو مستقل بر حكومت شكلنی آلمشدر سانسالوادور سكز ایالت تشكیل ایلر هواسی پك صیجاق و اراضیسی چویدجه غایت منبت اولوب كموش تیمور و قورشون
معدنلری كثرتلیدر بوراده حركت ارض صیق صیق وقوعبولور
دیكر سانسالوادور — افریقاده برشهر اولوب (قونغو)+نك مقر اداره+سیدر زائر نهرینك منصبی اولان له لوند قربنده ولواندونك بش یوز سكز كیلومترو شمال شرقیسنده بولنور یكرمی بش بیك نفوسی و پورتكیزلرك بر پسقبوسلغنی و حكمدار سرایندن بشقه مدورالشكل بر طاقم قلبه+لری مشتمل و الیوم بر قسمی پورتكیزلر طرفندن مسكوندر
دیكر (سانسالوادور) یاخود (باهیا) — بره+زیلیاده باهیا ایالتنك كرسیء اداره+سیدر اشبو شهر (ریوژایزو)+نك شمال شرقیسندن بیك اوچیوز اللی كیلومترو مسافه+ده و (توله سن) كورفزنده كائن اولوب یوز سكسان بیك نفوسی جامعدر بر مشهور لیمانی و بالجمله برەزیلیا پسقپوسلرینك متبوعی اولان برباش پسقپوسلغی و ایمپراطورلغه مخصوص برنجی درجه+ده مستحصن بر موقعی وجراح مكتبی و جیمناستیق و مدرسۀ رهبانیه و كتبخانۀ عمومی كبی برچوق تأسیسات مختلفۀ علمیه+سی واردر تجارتی غایت واسع اولدیغندن دروننده كلیتلی اجنبی تاجرلری بولنور جملۀ تأسیسات مزینه+سندن جزویتلرك كلیساسی والینك سرایی شهر مسافرخانه+سی
بدایت محكمه سی باش پستبوسلق سرایی عسكری خسته+خانه+سی وقارملرك كلیسا و مناسترلری و بورسه و ترسانه+سی بالخاصه دقته شایان ابنیه+دندر بوراسی اون التینجی عصر میلادیده تأسیس اولنوب(۱۷٦۳ م و ۱۱۷۷ ه) تاریخنه دكین بره+زیلیانك مقر حكومتی اولدی
سانسالوادور — ویا باهیا ایالتی. بحراطلاسك ساحل طولیسی اوزره كائن اولوب بر ملیون نفوسی جامعدر بو ایالت (باهیا) (اوایله+اوس) (ژاقوبینا) ( پورتو) (سیه+غورد) ناملریله بش قومارقایه تقسیم اولنور هواسی غایت صیجاق ایسه ده سمت دریادن هبوب ایدن روزكار سایه+سنده كسب اعتدال ایلر. شكر قامشی توتون پموق ایچون اراضیسی فوق العاده صالح و محصولداردر