لغات تاریخیه و جغرافیه

Lugat-ı Tarihiyye ve Coğrafiyye

اسرائیلیه

İsrailiyye

اسرائیلیه — سلیمان علیه السلامك وفاتی عقیبنده اون ایكی سبط بنی اسرائیلدن اون سبطی آیریلوب شخیمده بر حكومت تشكیل اتمش و ایكی سبطی قدس شریفده حضرت سلیمانك اوغلی تابعیتنده قالمش ایدی قدسده قالانلرك حكومتنه حكومت یهودیه و شخیمده تشكل ایدن حكومته حكومت اسرائیلیه دیرلر. حكومت یهودیه+نك نفوسی حكومت اسرائیلیه+نك نفوسندن دون ایدیسه ده ملتك معتبرانی و بیت مقدس قدسده اولمق ملابسه+سیله حكومت یهودیه زنكین و نفوذلی ایدی. اشبو دولت اسرائیلیه ابتدای تشكیلی اولان (٤٦٣٣ خ) تاریخندن یعنی میلادك طقوز یوز التمش بر سنه مقدمندن آثوریلرك هجومله منقرض اولدیغی (٤٨٧٦ خ) تاریخنه قدر دولت یهودیه ایله معارضه ومقاتله+دن قورتیله مامشدر. )رخبعیم. یور بعام) كلمه+لرینه دخی مراجعت بیوریله