لغات تاریخیه و جغرافیه

Lugat-ı Tarihiyye ve Coğrafiyye

سامی

سامی — مصطفی سامی بك كه ارپه امینی عثمان افندینك مخدومی اولوب زادۀ طبعی اولان دیوان بلاغتعنوان ایله جریدۀ عالمده ابقای نام ایتمشدر الیوم شعرای روم قصائدده نفعی غزلده سامی كبی كیمسه كلمدی دیرلر مومی الیهك علم خطده دخی مهارت كامله+سی وار ایدی و سلطان محمود اول زماننده رتبۀ خواجكانی+یه نائل و وقعه+نویس اولمشیدی وفاتی ( ۱۷۳۳ م و ۱۱٤٦ ه) تارخنده
(بو بیتلر انكدر)
ندر سودی بو پازار فناده جلب اموالك

غنا ویرمز متاع مستعاری دوش دلالك
حباب اسا كریبان صماخ زهدی چاك ایتدی
سكشت توبه+دن آواز نوشا نوشی شوالك
نه ممكن پیرو اولمق نابیء استاده ای سامی
سواد نابجادر مشق شعری كلك اطفالك