لغات تاریخیه و جغرافیه

Lugat-ı Tarihiyye ve Coğrafiyye

سامریه / سبات

سامریه یاخود (سبات) — ارض فلسطینده بر شهردركه ماناسۀ غربی نصف سبطنده و افرائم سبطنك حدودی اوزرنده واقع ایدی نابلسدن صكره حكومت اسرائیلیه+نك كرسیء ادارەسی اولدی اشبو شهر (٤٦۸۲خ) تاریخنده یعنی میلادك طقوز یوز اون ایكی سنه مقدمنده حكمدار یهودا (عمری) طرفندن تأسیس اولنوب (٤۸۸۰خ)+ده یعنی یدی بوز اون درت مقدمنده شلمانصر طرفندن ضبط و اهالیسی فراتك اوته یقه+سنه طرد ایدیله+رك آثوریاده كوتا شهرینك اهالیسی ایله اسكان و التی یوز یتمش ایكی میلاد مقدمنده اسارخادون واسطه+سیله مجدداً اعمار ایدلدی. سامریه (٥۳۹۱ خ) تاریخنده یعنی ایکی یوز اوچ سنه مقدمنده بیوك انتی+یوخوس طرفندن دخی استیلا و نهایت رومالولر زماننده یهودیلرك بر اختلالی اثناسنده ضبط و صوك دفعه و قطعی صورتده اوله+رق تخریب اولندی. (سامرا) بشقه در. (سامری) كلمه+سنه دخی مراجعت بیوریله