سامری — آثوریلرك (٤۸۸۰ خ) تارخنده یعنی میلادك یدی یوز اون درت سنه مقدمنده و دها صكره+لری ممالك اسرائیلیه+دن اثوریایه طرد و تبعید ایلدكلری سامریه+لیلره عودتلرنده ویریلان اسمدر. بونلر اثوریاده یتمش سكسان ییل قالوب نسل و لسان و اعتقادلری بوزلدیغندن مملكتلرینه عودتلرنده قدس یهودیلری طرفندن تحقیر اولندیلر و تأسیس و تعمیر معابد و مبرات كبی امور خیریه و مصالح ملته قارشدیرلمدیلر بناءعلیه سامریلر دخی قدسلیلرله الفتی قطع و آیین و عادات دینیه اجراسی ضمننده قدسه عزمتی ترك ایدوب بیت مقدسه بدل غاریزیم طاغی اوزرنده بر معبد بنا ایلدیلر بو خصوصده اثوریلر طرفندن سامریه والیسی بولنان كمسه+نك تشویقی دخی تفرقه+یه سبب مستقل اولمشیدی. سامریلر توراتك بش كتابی معناسنی افاده ایدن (پنته یون) نام
كتاب ایله عمل ایدرلر وكتب مقدس لرینی عبرانی لسان قدیمی اوزره و سریانی+یه
شبیه سامری حروفی ایله یازارلر ایدی اشبو یازی شمدی اك قدیم عد ایدیلن اثاردندر. الیوم نابلس و یافه+ده بر طاقم سامریلر بولنمقده ایسه ده بونلرك مقداری كیت كیده تناقص ایتمكده اولمسنه نظراً آز بر مدت ایچنده محو و نابدید اوله+جقلری اكلاشیلور. (سامریه) كلمه+سنه دخی نظر بیوریله