سلوست — لاتین مورخین مشهوره سندندر (٥٥۰۸ خ) تاریخنده یعنی میلادك سكسان التی سنه مقدمنده امتیرن (الیوم سان ویقتورینو نامیله معروفدر) شهرنده حسن صیت صاحبی بر فاملیادن نشأت ایدوب برنجی زمان عنفواننی روماده تسیب اخلاق ایله کچورمش و صكره جمهوریت فرقه+سنه داخل و تریبونلكه نائل اولوب مشهور (قلودیوس)+ك منوئ ضمیری اولان روما اختلالنده مومی الیهه یرانمق املیله توسیع دائرۀ فتن و فساده بذل مقدرت ایلدیكندن مومی الیهك وفاتندن صکره صورت مؤبده+ده سناتودن طرد اولنمشیدی مؤخراً هر نصلسه ینه موقع اعتباره كلوب روماده سزارك خفی مصلحتكذاری و ( ٥٥٤٦ خ) تاریخنده یعنی میلادك قرق سكز سنه مقدمنده قستور تعیین و ایكی سنه صكره افریقا محاربه+سنده بعضی مأثر حسنه كوستردیكنه بناء پروقونسللكنه ارسال اولمغله نازنینم اوراده مأمور محافظه+سی اولدیغی ایالتی كوزلجه نهب و غارت و برچوق غنا و ثروت ایله رومایه رجعت ایلدی بو فضیحه+سندن ناشی حقنده اجرای مجازات اثناسنده ایمپراطور سزارك نفوذی سایه+سنده تخلیص كریبانه موفق اولدیسه+ده غالبا ارتق امور حكومتدن بیقمش و بولندیغی مأموریتلرده ده ذاتاً یوكنی طوتمش اولدیغندن ارتق ترك مسلك سیاسی ایله كیرینال طاغی اوزرنده اطرافی دلكشا باغچه+لرله محاط یاپدیردیغی سرایده اوتوروب روما تاریخنی تحریره حصر اوقات و نهایت( ٥٥٥٨ خ) تاریخنده یعنی اوتوز التی سنه میلاد مقدمنده ترك دغدغۀ حیات ایلدی. سالوستك تألیف مشهوری سیللانك وفاتندن رومانك اختلالنه قدر بالجمله وقایعی جامع و بش جلددن عبارت اولان تاریخ كبیردر. مرقومك نطقلری غایت شدید و مختصر و مفید اولوب هر بری عادتا برر بلاغت اورنكی صاییله+بیلور سه+ده ملتزمى اولان مسلك نمیمەكاری و طرفكیری و استطرادات و بر طاقم صنعی و شیوۀ قدیمه محصوص تعبیرات مزیت مذكوره+سنی بر شهرت سیئۀ متقابله ایله تعیینن
ایتمکده+در مع مافیه براقمش اولدیغی اثرلر بالجمله آوروپا السنۀ مختلفه+سنه ترجه اولنمشدر