لغات تاریخیه و جغرافیه

Lugat-ı Tarihiyye ve Coğrafiyye

سالامین / سالایس

سالامین ویا (سالایس) — یونانستانده آتیكی سواحلنك جهت شرقیسندن درت كیلو+مترو مسافه+ده و اتنه یاخود (سارونیك) كورفزی داخلنده بر جزیره+دركه الیوم (قولوری) نامیله معروفدر و اشبو اطه+نك ( سالامیس ده توس) و (سالامیس نووا) ناملرنده باشلیجه ایكی شهری اولوب برنجیسی ساحل غربی دیكری ساحل شرقیسنده بولنور سالامین عن قدیم خصوصی بر حكومت تشكیل ایلمش ایدی كه (سلامون اژاقس)+اك معروف حكمداری ایدی مشاهیر حكمادن (سولون) و (اوره+پید) بوراده طوغدیلر سالامین ( مغارو) و اتنه بیننده خیلی زمان محاربه+لر وقوعنه سببیت و یردیكی حالده(سولون)+ك وطنپرولكی سایه+ سنده اتنه+لیلر طرفندن ضبط و تسخیر اولندی (٥١١٤ خ) تاریخنده یعنی میلادك درتیوز سكسان سنه مقد+منده آتنه لولر فرس حكمداری برنجی سرخسك دوننما+سنی اشبو اطه جوارنده بوزوب (ترموپیل) مظفریتنی بورنندن كتوردیلر. اشبو اطه آتنه+نك دوچار اولدیغی بالجمله تبدلاته تابع ایدی (١٤٥٧ م و ٥٨٦٢) تاریخنده عثمانلیلر طرفندن دخی— ضبط ایدلدی الیوم یونانستان قسمندن معدود اولە+رق (اتيكى) ایالتی داخلنده بولنمقده+در