لغات تاریخیه و جغرافیه

Lugat-ı Tarihiyye ve Coğrafiyye

سارداناپال

سارداناپال — برنجی آثور دولتنك صوك حكمداریدر. (٤٨٠٦ خ ) تاریخنده یعنی میلادك یدییوز سكسان سكز سنه مقدمنده بابل والیسی بولنان (بعل زار فول) یاخود كلدان باش پاپاسی (بله زیس) ماد والیسی(ارپاكسس) ایله علیهنده بالاتفاق مقر حكومتی اولان(نینوه) یی بر مدت محاصره+دن صكره ضبط و تخریب ایلدكلرندن اعدا النه دوشمامك اوزره فاملیاسیله برابر كندوسنی آتشه یاقمش و بنابرین (بعل زار فول) شرق و جنوب جهتلرنده ایكنجی اثور یاخود (بابلیون) دولتنی و (ارپاكسس)(مدیا) دولتنی تشكیل ایدوب سارداناپالک اوغلی (فول) دخی كندو+سنه براغیلان (سوس ) قطعه+سنده بر مدت حكومت سورمشدر.
ایكنجی اثور دولتی حكمداری برنجی ( بخت نصر ) ك اوغلی و خلفی (سارداناپال) یاخود (ساراق) دخی بعینه بویله بر وقعه یه اوغرامشیدی شویله كه( ٤٩٨٨ خ ) سنه+سنده یعنی میلادك التی یوز التی سنه مقدمنده ماد حكمداری برنجی(كی اقسار) یاخود (سیئازار) ایله متفقا علیهنه حركت ایدن بابل والیسی (نابوپولاصر )٥ (نینوه ) شهرنده مغلوب اوله+رق نجات امیدی قطعیاً كسلدكده الیله اولاً اولاد و عیالنی برر برر قربان ایلدكدن صكره كندو كندوسنی سراییله برابر آتشه اورمش و ایكنجی اثور دولتی دخی بو صورتله كورله+مش كتمشدر بو وقعه+ده مومی الیه نابوپولاصرك اوغلی مشهور ایكنجی (بخت نصر) عساكر متفقۀ مذكوره قوماندانی ایدی