سارت یاخود صارد — آیدینده صاروخان سنجاغی داخلنده طورغودلی قضاسنه ملحق (صالحلی) ناحیه+سنك نام دیكریدر. ناحیۀ مذكوره جوارنده مقدما موجود و آلان اثاری مشهود اولان قدیم (سارت )شهری نامنه معروف اولوب اشبو شهر (لیدیا) حكمدارلرینك و بعضاً دخی ایران صدرابلرینک مقر اداره+سی ایدی (سارت ) نامنده ایرانده بر عشیرت و فرانسه+ده (لوار) نهری جوارنده بر سنجاق و بر ایرماق بولندیغی كبی ایتالیا حكومات قدیمه+سی دخی بو نامله موسوم ایدیلر بو حكومتلر مؤخراً — طوسقانه ایله برلشمش و ایتالیا قراللغنك باعث تشكلی اولمشدر. سارت شهرینك محل مذكورده كوریلان انقاضی میاننده تخمیناً اون ذراع معماری ارتفاعنده و قرق آرشون طول و یكرمی بش آرشون عرضنده اوزری آچیق بیضی الشكل بر جسیم بنا كورلمكده اولوب بوراسی قدیماً تیاترو خانه یاخود. كلیسا اولدیغی
روایت اولنمقده+در