اسحق پاشا — وزرای دولت عثمانیه+دندر و سلطان بایزید
و فاتح زمانلرنده ایكی دفعه+ده یدی سنه صدارتی واردر. مومی الیه ایلك
صدارتنده قرمان اوغلی اوزرینه تعیین اولندیغندن كیدوب مرقومك
متصرف اولدیغی قرمان ولایتنی حرباً ضبط و ممالك دولت علیه+یه الحاق
ایلدی و اهالیسندن برچوق كمسه+لری اوته+یه برویه نقل و اسكان ایلدیكی
صره+ده اقسرای قضاسی ارباب صنایعندن برچوق كمسه+لری دخی درسعادته
كوندردی. بونلر اولوقت خالی اولان و شمدی اقسرای دنیلن محله اسكان
ایدلمش و بو مناسبتله اوراسی اقسرای نامیله شهرت بولمشدر. پاشای
مومی الیه اشبو نقل خانه ماده+سندن طولایی بعض مرتبه لسانه كلدیكندن
براز مدت صكره یعنی (١٣٨٢ م و ٨٨٧ ه) تاریخنده بر مجلس عیش
و طربده سلطان بایزید خان حضرتلرینك امریله اعدام اولندی. مشهور
كدك پاشا دخی او كیجه برابر اعدام اولنمشدر