اسحق علیه السلام — پیغمیران عظامدندر و حضرت
ابراهیم علیه السلامك اوغلی و حضرت اسماعیل علیه السلامك لاب.
قرنداشیدر. حضرت ابراهیم علیه السلامك هاجر نام جاریه+دن اولان
اوغلی حضرت اسماعیل علیه السلام دنیایه كلدكده عقیم اولوب هیج بر
اولاد كتورمامش و سنی طقسانه بالغ اولمش اولان زوجه+سی حضرت ساره
زیاده+سیله مأیوس اولدیغندن جناب حق مرحمت بیوروب (و بشرناه
باسحق) آیت كریمه+سی منطوق منیفی اوزره اسحق علیه السلامی
طوغورە جغنی تبشیر و (٣٥٦٨ خ) تاریخنده یعنی میلادك ایكیبیك یكرمی
التی یاخود بیك سكز یوز طقسان التی سنه مقدمنده احسان بیوردی.
اسحق علیه السلام پدرینك حیاتنده فلسطینك شام شریف جهتنده
ساكن اولان اهالی+یه پیغمبر بعث بیوریلوب وفاتندن صكره (جراره)ده
توطن ایلدی وجناب حق حیوانات و اموال سائره+سنه فوق الغایه
بركت احسان بیوردیغی جهتله فلسطین اهالیسی حسدلرندن ناشی حفر
ایتدیردیكی قیولری املایه وادملریله مجادله+یه قالقشدقلرندن (بئز سبع)
دنیلان محله هجرت و اوراده خیمه+لرینی ركز و اقامت بیوردی و حال
شیخوختنده كوزلرینه دومان كلدی و آخر وقتنده زیاده+سیله سودیكی
اوغلی(عیص)ه ایتمك استدیحی حالده بحکمة الله تعالی دیكر اوغلی
حصرت یعقوب علیه السلام والده+سنك تعلیمیله تقدم و منصب نبوت
دعای جلیلنی تحصیل ایلدی. بر روایتده ذبیح بودر و عمر شریفی
یوز سكسان بشه بالغ اولمشدر