لغات تاریخیه و جغرافیه

Lugat-ı Tarihiyye ve Coğrafiyye

استیر

Ester

استیر — بابلیلرك نفی ایتدیكی یهودیلردن (سوس) ولایتنده بولنان بر یهودینك قزیدر. بو قز فوق الغایه حسنا و مستثنا اولدیغندن ولایت مذكوره+یه و ممالك ایرانیه+یه حكم ایدن برنجی (سرخس) كتوردوب زوجاتی عدادینه ادخال ایتمشیدی حكمدار مشار الیهك (ماهان) نامنده اولان وزیری اوته+دنبرو یهودیلره دشمن و بتون بتون ازاله+لری نزدنده ملتزم اولدیغندن بر كون ینه برچوق شكایتلر ایدرك جمله+سنك بغتةً و دفعةً اعدامی ایچون امر آلدی و تصادفات غریبه+دن اوله+رق او كون )استیر)ك عمیسی اولوب آره صره سرایه كلوب كتمكده اولان (مردخای) نام یهودی دخی وزیر م قومك سرخسه سؤمقصد تشبثنده اولدیغنی خبر آله+رق سرایه کلوب قزه و قز دخی اخشام هنكام نوشانوشی و جلوه فروشیده بر صورت متأثرانه ایله كیفیتی سرخسه خبر ویرمسیله سرخس درحال تحقیقاته مباشرت ایدوب خبر مذكورك طوغری اولدیغنی اكلادیغی كبی همان وزیر غافل مرقومی حضورینه جلب و كندی الیله اعدام ایلدی و قزك اشبو اخطار و صداقتی اوزرینه یهودیلرك ازاله+سیچون اولجه وزیر مقتول مرقومه ویردیكی امری كیرو المق لازم كلور ایكن بر پادشاه ویردیكی امری كیرو المغه مقتدر دكلدر دیدرك ینه انفاذینی امر ایدوب فقط یهودیلره بر مساعدۀ مخصوصه اولمق اوزره امر مذكورك علناً اجرا اولنمسنی و یهودیلرك دخی مقابله+یه مأذون بولنمسنی بشقه+جه فرمان ایلدیكندن تعیین اولنان كونده یهودیلرله مجوسیلر بر برینه كیریشوب ایكی طرفدن یتمش بیك قدری ایچنه اوینادی. بو وقعه (٥١١٥ خ) تاریخنده یعنی میلادك درتیوز یتمش طقوز سنه مقدمنده ظهور ایتمش ایدی یهودیلر اول تاریخندنبرو هرسنه وقعۀ مذكوره+یه تصادف ایدن كونده (استیر) نامیله بیرام ایدوب بربرلرینه هدیه+لر كوندررلر و چوجق چولق شورایه بورایه طوقماقلرله اورارق اول كونی اخطار ایدرلر