یمن — عربستانك جنوب غربیسندن عبارت بر قطعۀ جسیمه+در غرباً بحر احمر جنوباً عدن كورفزی شرقاً حضر موت شمالاً حجاز ایله تحدید اولنور شمالدن جنوبه یدییوز اللی بش كیلومترو طولی و اوچیوز اللی كیلومترو عرضی و تخمیناً ایكی ملیون بشسیوز بیك اهالیسی واردر
و مركز حكومت (صنعا) و (تعز) (عسیر) (حدیده) سنجاقلریدركه
جمله+سی اون أوچ ایله اون التی عرضی بینلرنده بولنور طرف غربیسی تهامه دنیلان قوم صحراسندن عبارت ابسە ده وسطده اولان طاغلری و اوه+لری غایةالغایه محصولداردر بغدای شعیر قوقوروز داری سیسام عتر انجیر اوزوم بال بادم لیمون ترنج خرنوب عنبا توتون یتیشور و تیمور مقناطیس
كوكرد طوز عقیق معدنلری بولنور معمولاتی صابون مشین اوانیء ترابیه و بعض منسوجاتدن عبارتدر و (قمران) (جزایر فرسان) (زیلع) (بربرا) باشلی و معمور جزیره+لریدر
یمنده كانون اول و ثانی و شباط بهار و مارت و نیسان و مایس یاز و حزیران
و تموز و اغستوس كوز و ایلول و تشرین اول و ثانی شتا اولور
شعوب یمنك پدری (قحطان)در اوغلی (یعرب) بر مدت سلطنت سوروب
وفات ایتدكدن صكره اوغلی (یشحب) یاخود (یمن) مقام حكومته كلدی
و عمیلری (جرهم) حجازده و (حضر موت) نامنه منسوب قطعه+ده
و (عمان) كذلك نامنه منسوب جهتده استقلال ایله اجرای حكومت ایلدی
اندن صكره اوغلی (سباء یاخود عبد شمس) جلوس و مأرب شهر وسدینی
انشا و پای خت اتخاذ ایتدی. بونك پك چوق اولادی دنیایه كلدیسه ده
اك مشهورلری (حمیر) و (كهلان)دركه هر بری یمنده برر قطعەیه پادشاه
اولمش و حكومتلری نیجه زمان ناملریله شهرت بولمشدر دیكر روایته كوره
حمیر یشحبك اوغلیدر هرنه حال ایسه مرقوم ملوك حمیریه یمنك اك مشهور
و قوتلی پادشهلرندن ایدی حتی پدرینك تأسیس ایلدیكی سد مذكوری
بو ذات اكمال ایلمشدر
بمنیلر وقتیله صابئی المذهب ایكن زمان سعادتدن بدأ ایله تدریجاً اسلامه
كلدیلر خطۀ یمانیه+نك تهامه+سیله ساحل اهالیسی تهامه+دن عسیر حدودی
اولان ابو عریشه قدر و ابو عریشدن عسیرك تهامه و جبال جهتلری مکۀ
مكرمه+یه قدر ممالك و ساحلاً و جبالاً تعز و هجریه و عدین و آب و جبله
و صحبان و حبال سائره اهالیسی عموماً شافعی المذهب و صنعا جواری و جبل
حراز اهالیسنك برازی شافعی و اکثریسی اسماعیلی و بر جزئیسی دخی
زیدیدر و (یریم) و (ذمار) و (رداع) و (انس) و (صعده) و (صنعا)
اهالیسی زیدی و یمن اله عسیر بیننده+کی اهالی اسماعیلی و لحج و عدن اهالیسی
حنفی و شافعیدر بو حالده عموم اهالینک ثلاثندن زیاده+سی اهل سنت قصوری
غیری دیمك اولور
یمن شهر و قراسنده بولنان خانه+لرك بعض تهامه قریه+لرندن ماعدا كافه+سی
صوم كاركیر و ایكیشر و اوچر و دردر قات اولمق اوزره مدافعه+یه الورشلی
صورتده انشا اولنمشدر وكافۀ اهالیسی هركون و کیجه (قات) چیكنه+مكه و (قشر) ایچمكه مجوردر یمنک سواحلدن اوزادقجه هواسی
و صولری غایت لطافت كس ایدر هله جهران فضاسی اراصیسنك
قیولرندن برر ایكیشر قولاجده پك اعلا صولر چیقار و عموماً یمن اهالیسی قیو
صویی ایچر
یمن قطعه+سی بر آره+لق حبشیلر طرفندن استیلا اولندیغنه بناء سلالۀ تبابعە+دن
سیف ذی یزن) (۵۷۱ م) تاریخنده فرس ملکی نوشروانه التجا
و استمداد ایدوب او دخی بر مقدار عسكر ایله اعانه ایتمش و مومی الیه بو سایه+ده
حبشیلری ایدوب دفع فط ملوك فرسك حمایه+سنی قبول ایلمشیدی صكره
اسلامك اورالرده دخی انتشاری مناسبتیله خلفای راشدین طرفلرندن
عامللر كوندرلسدی و (۲۰۳ ه)ده بنی زیاد و (۴۵۵ ه)ده بنی صلیخ
و (۵۶۹ ه)ده ایوبیه و (۶۰۰ ه)ده حمزویه و (۶۲۶ ه)ده بنی
رسول و (۸۵۸ ه)ده ال طاهر خطۀ یمانیە+نك بعضاً عمومنده و بعضاً
براز محللرنده حكومت سوروب (۱۵۰۴م و ۹۱۰ ه) تاریخنده امامت (عامریه) ظهوره كلدی بو ذات مصرلیلرك اول طرفده اولان نفوذینی
كسر ایلدیسه ده عاقبت صنعاده مصر عسكرینه مغلوب و مقتول اولدیغندن
امامتی قاسم و (مطهر) و (مؤید) نام متغلبه یدلرینه کچوب بونلرك جمله+سی
مصر و درسعادتدن كوندریلان وزرا و عساكر ایله یكرمیشر اوتوزر سنه
اوغراشوب كاه غالب و كاه مغلوب اولدیلر نهایت (۱۸۳۵م و ۱۲۵۱ ه) تاریخنده مصر والیسی محمد علی پاشا ینه عسكر كوندروب تهامه و تعزی
عسیرلولردن الدیسە ده دولت علیه ایله یاپدیغی معاهده موجبنجه ینه تركه
مجبور اولدی دولت علیه ایسه قطعۀ مزبوره+نك اداره+سنی یرلو شیخلرردن
بر ذاته حواله ایدوب لكن مومی الیه حسن محافظه+یه مقتدر اوله+مدیغندن یمن
كاملاً طوائف ملوك هیئتنه كیره+رك بر طاقم مشایخ بیننده تقسم اولندی و كیفیت
درسعادتدن خبر الندیغی كبی هرنقدر عسكر كوندرلدی و شریف مکه ایله
مخابرات جریان ایتدیسه ده بویله+لكله استردادی ممكن اوله+میە+جغی اكلاشلدیغندن
و صكره كوندریلان بش التی قدر والیلر دخی (۱۸۵۸ م و ۱۲۶۵ ه) تاریخنده
یالكز ساحلده بر قاچ مملكت اله بیلوب ایلرو واره+مدقلرندن و عسیر شیخی (محمد بن عایض) اخیراً بو مملکتلری دخی محاصره ایلدیكندن دولت علیه (۱۸۷۰ م و ۱۲۸۷ ه) تاریخنده بیوك بر قوت ارسالنه مجبور اولدی و اشبو
قوت سایه+سنده و ایكی سنه ظرفنده یمنك (بلاد مأرب) و (بلاد صعده)دن
ماعدا ممالكی فتح و بر اردو و بر جسیم ولایت تشكیل اولندی (صنعا) (سباء) مأرب) (قات) (غمدان) (عامر) (مطهر) (مؤید) (قاسم) (یحیی) كلمه+لرینه دخی مراجعت بیوریله