لغات تاریخیه و جغرافیه

Lugat-ı Tarihiyye ve Coğrafiyye

یعقوب علیه السلام

Ya‘kūb AS

یعقوب علیه السلام — اسحق علیه السلامك اوغلبدر لقبی اسرائیلدر بنی كنعانه بعث بیورلدی بعد وفاته كلان پیغمبران عظامك پك چوغی نسلندن نشأت ایلمشدر
حلیە+ده پدر عالیقدری اسحق علیه السلامه مشابه اولوب طویل القامه نحیف البدن صادق متحمل صبور بر ذات ایدی اوائل حالنده مع اولاده رعی اغنام و مواشی ایله اشتغال و تعیش ایدر ایدی تولدی(٣٦٢٨ خ)ده یعنی میلادك بیك طقوز یوز التمش التی سنه مقدمنده اولوب یوز قرق یدی یاشنده مصرده ارتحال دار بقا ایلمشدر مدفنی خلیل الرحمانده مشهد جناب ابراهیم و اسحق علیهما السلام قربنده+دو. مشارالیه حضرتلرینك خالته+سی قزی و برنجی زوجه+سی (لیا)دن و ایكنجی زوجە+سی و لیانك قزقرنداشی راخیلدن و بر جاریه+دن اون ایكی اولادی دنیایه كلمش و ایچلرنده حضرت یوسف علیه السلام نبوتله بكام اولوب دیكر بر قاچنك نبوتلری مشكوك قالمشدر. بونلرك هربری مؤخراً برر قبیله+یه رئیس اولدی و بو جهتله اسباط بنی اسرائیل اون ایكی+یه تفرق ایدوب هر بر قبیله كندو رئیسلری نامیله شهرت بولدی یعقوب علیه السلامك حضرت یوسفی غیب ایدوب نیجه ییللر كوشۀ بیت الحزنده مبارك كوزلری علیل اولنجه+یه قدر اغلادیغی و مؤخراً جناب حق نوجهله ملاقات احسان بیوردیغی جمله+یه معلوم اولدیغندن تفصیلندن صرف نظر اولنمشدر
( اولاد یعقوب علیه السلام شونلردر )
برنجی زوجه+سی (لیا)دن
روبین
سمیون
لاوی
یهودا
یساخر
زابلون
جاریسی (بلها)دن
دان
نفتال
جاریەسی (زلفا)دن
کاد
اشر
ایكنجی زوجه+سی (راخیل)دن
یوسف
بنیامین
٢٢
یعقوب نامی اعجمی اولوب عربی اعتبار اولندیغی حالده اركك ككلك معناسنه دخی كلور