یعرب یاخود (یمن) — جمع شعوب یمنك پدری اولان و ابتدا
عرب عاربەدن اخذ ایله عربی+یی تكلم ایدن (فحطان) بن هود علیه السلامك اوغلی و خلفیدر بو ذات (٣٥٢٦ خ) تاریخنده یعنی میلادك ایكی بیك
التمش سكز سنه مقدمنده پدرینك یرینه جلوس ایدرك بر مدت صكره وفات
ایلدكده یرینه اوغلی (یشحب) اوتوروب عمیلری (جرهم)ی حجازده (حضر موت)ی نامنه منسوب اولان ولابتده و (عمان)ی كذلك نامنه
نسبت اولنان ولایتده و سائرلرینی دخی بولندقلری محللرده مستبداً ابقا ایلدی
مأرب شهر و سدینی تأسیس ایدن عبد شمس یاخود (سباء) اشبو یعربك
حفیدی یعنی یشحبك اوغلی و خلفیدر و ملوك حمیریه+نك ابتداسی اولان (حمیر) و (كهلان) دخی سباء)ك مخدوملریدر. بونلر حقنده دها بشقه اقوال دخی واردر (سباء) (مأرب) كلمه+لرینه مراجعت بیوریله