یزیدی — موصل ایله خابور نهری اره+سنده مسكون اهالی+یه
ویرلمش بر نامدر بونلر سنجار طاغلرنده و حلب بغداد دیار بكر و روان
حوالیسنده دخی بولنورلر و ایکی یوز بیك قدر تخمین اولنورلر بعضیلری
بدوی ایسه ده اکثریسی متوطندر و اسلامه محبتلری آز و شرابه انهماكلری
چوقدر. یزیدیلرك بری خیر دیكری شر اولمق اوزره ایکی مبدأ طانیوب
مبدأ شر اعتقاد ایتدكلری شیطانك نهایت بركون سماده غیب ایتدیکی
درجه+یه بنه نائل اولەجغنی زعم ایدرك ملك طاوس نامیله پرسنش
ایتدكلری و بو مذهبه مقدما (شیخ فخر) نامنده بر مذهبسزك تشویقیله
صاپدقلری و كندو میانه+لرنده (جلده) نامنی ویردكلری بر كتابه معتقد
بولندقلری ایشیدلمشدر
یزیدیلر (١٨٣٨ م و ١٢٥٤ ه) تاریخنده دولت علیۀ عثمانیه طرفندن
تأدیب و قسم اعظملری محو ایدلمشدی