یزید بن معاویه — ملوك امویه+نك ایكنجیسیدر (٦٧٩ م و ٦٠ ه) تاریخنده تلویث تخت سلطنت ایدوب بر سنه صكره كوفه+ده امام حسین
رضی الله عنه حضرتلرینی شهید ایتدیردی وقعۀ دلسوز كربلا خبری مدینۀ
منوره+یه واصل اولور اولماز اهالی یزیده اطاعتدن خروج و شام طرفندن والی
بولنان (عثمان بن محمد ابی سفیان)ی ارالرندن اخراج ایلدكلرندن یزید
خباثتمذید (مسلم بن عقبه)ایی عسكرله مدینه اوزرینه كوندروب ظفر بولدقده اول
بلدۀ مباركه+یی دلخواهی وجهله اوچ كون یغما ایتدیردی (اشبو جنكده
قریش و مهاجرین و انصاردن یدی یوز كشی و وجوه موالی و سائر اسمی
نامعلوم كیمسه+لردن اون بیك آدم قتل اولندیغی و بیك نفر مخدراتك بكری
ازاله ایدلدیكی مرویدر. بعده مسلم مکۀ مكرمەیی دخی مدینەیه همحال
اتمك اوزره یوله چیقدیسه ده خلال راهده جانی دخی برابر چیقدیغندن یزید انك
یرینه (حصین بن النمیر)ی كوندره+رك مكه+ده (عبدالله بن الزبیر) حضرتلرینی
قرق كون محاصره و بیت شریفی منجینقلرله تخریب و احراق ایتدیردی (اول وقت کعبۀ مكرمە+نك استاری و سقفی و اسمعیل علیه السلام ایچون
قربان اولان قوچك سقف كعبه+ده محفوظ بوینوزلری محترق اولمشدر) بعده
یزید پلید كبرمكله مرقوم (حصین) ابن زبیره (آره+ده مقتول اولنلرك
دم ودیتلری دعواسندن فراغت ایده+لم و ابتدا بن بوراده سكا بیعت ایدوب
صكره برابر شامه كیده+لم) دیو خبر كوندردیسه ده ابن زبیر راضی اولمدیغنه
بناء حصین شامه دونوب كیتدی. و ابن زبیر صكره كیتمدیكنه پشیمان
اولدی. بزید اوتوز سكز سنه عمر سوروب (٦٨٣ م و ٦٤ ه) تاریخنده
صفحۀ عالم زندكانیدن رفع وجود خباثت آلود ایلمشدر مدت تسلطی
اوچ سنه و التی آیدر چوق قیللی فاسق و كولوب اوینامغه حریص بر منافق
اولوب اناسی بنی كلب قبیله+سندن ایدی. حكایه ایدرلركه بر زمان (عبد الله
بن جعفر الطیار) حضرتلری شام شریفه تشریف بیورمش و یزید بن معاویه
ولی عهد بولندیغی حالده مخصوصا زیارتنه كلوب كورشمش ایدی بو اثناده
مرقوم عبدالله بن جعفر الطیار حضرتلرینك برابر كتوردیكی (عماره)
نام جاریه+نك حسن و آن و صدا و نغمات جانفزاسنی كورمكله دلبند و وصالنه
آرزومند اولور و كندوسنی ضبط ایده+میه+جك بر درجە+یه كلور ایسه ده
پدری معاویه+دن قورقوسندن سسنی چیقاره+مز و اره+دن براز زمان قوب
پدرینك وفاتیله كتدوسی تخته جلوس ایلدكده همان جاریۀ مزبوره+نك
الده ایدلمسی چاره+سنی تصوره باشلایوب كیفیتی اعتمادی اولان مقربلرینه آچار
و انلر دخی حضرت عبدالله ابن عمم رسول اللهدر صلی الله علیه و سلم
واغنیای امتدندر اكا جاریه+كزی ویررمیسكز فاچ غروش استرسكز دیمك
اولمز و بویله+لكله ایش بتمز خصوصیله پدریكزك انك حقنده اولان رعایتی
معلومكزدر مكركه بر دساس آدم واسطه+سیله و دسیسه ایله اله کچوریله دیمه+لری
اوزرینه غایت خدعە+كار بر آدم تدارك و برچوق اقچه+لر بوقجه+لر اعطا ایدوب
مدینۀ منوره+یه كوندررلر خدعە+كار مرقوم زنكین و مالدار بر تجار قیافتیله مدینۀ
منوره+یه عزیمت و عبدالله بن جعفر الطیار حضرتلرینك قوناغی جوارنده بر قوناق
استیجار و اقامت ایدر و ایرتسی كون عبدالله حضرتلرینه عراق اهالیسندن
بر تاجر كلمش و اشیاسنی صاتنجه+یه قدر سایه+كزده و حمایه+كز التنده بولنمق ایچون
شوراجقده بر خانه طوتمش دیدرتیر و عبدالله حضرتلری دخی بو سوزدن
ممنون اولوب اكرام ایدلمسنی آدملرینه امر ایدر و بر دفعه دخی بر مجلس
مستحسن ترتیب ایتدیروب رعایةً تاجر عراقی+یی دخی دعوت ایلر تاجر مجلس
مزبورده عماره+نك خوب ادا و نغمات دل اراسنی كوردكده عقلی باشندن
كیدوب دریای حیرته طالمسی اوزرینه عبدالله تلطیف و مطایبه قصدیله
بو بزم عمارەنك مثلنی كورمشمیسك و قاچ غروش بها تقدیر ایده بیلورسك
دیوب مرقوم دخی یا سیدی بن تجارم جاریه اخذ و اعطا و قیمتنی بیلمم
فقط بونی نره+ده بولسه+م هیج طورماز اون بیك درهم بها ایله آلور ایدم
دیدكده عبدالله حضرتلری ینه لطیفه اولەرق بنده اون بیك درهمه سكا
صاتدم و حریف دخی بنده قبول ایتدم دیر و ایرتسی كون اون بیك درهمی
كوندروب جاریه+یی ایستر حضرت عبدالله هر تقدیر بن سكا لطیفه ایتدم ایدی
هیج بویله بر جاریه دنیا طللوسی ماله بیله صاتیلورمی و بكا یاقیشوومی دیر
و اقچه+یی رد ایدر ایسه ده حریف سنك مرادك لطیفه ایمش لكن بنم مرادم
جدیدر و بیعده جد و هزل مساویدر و بو جاریه بنم مام اولدیغندن بوندن
صكره سكا حلال دكلدر دیەرك اصرار ایلر بونك اوزرینه حضرت
عبدالله سن نه فنا مسافر ایمشك بكا بوندن بیوك بر درد اولمز دیوب
و جاریەیی اوچ بیك التون صرفیله تجهیز ایدوب حریفه تسلیم ایدر و حریف
كمال مسرت و جاریه ایله شام شریفه كیرر ایكن یزیدك جنازە+سی چیقدیغنی
كورمكله حیرنده قالوب براز صكره كیفیتی خلفی (معاویۀ صغیر)
اخبار ایلدكده معاویه الدیغك مال و جاریه سنك اولسون سنی بر دها بوراده
كورمیە+یم دیمسیله حریف جاریه ایله ینه مدینۀ منوره+یه دونوب ماجرایی
عبدالله بن جعفر الطیار حضرتلرینه بیان و عفوینی استرحام ایلر و عبدالله
دخی فوق الغایه ممنون اوله+رق جاریه+یی آلوب مرقومه بر چفتلك باغشلار