یزدانیار — اصل اسمی حسبن بن علی و مسقط رأسی (ارمو)در. بو ذات علوم ظاهره و معاملاتده شیخ الاسلام دینمكه شایان
بر شیخ معارف نشان اولوب فقط تصوفده بر طریقۀ مخصوصه+سی اولدیغندن
شیخ شبلی و امثالی بعض مشایخ كرام انکار ایدرلر و یزدانیار دخی مشایخ
عراقك اکثریسنك سوزلرینی بونلر حقك اسرارینی نااهله سویلیورلر دیەرك
رد ایدر و بو ردم كندولرینك اوزرینه كمال غیرتمدندر یوخسه انلرك
سادات و اهل عنایات كسه+لر اولدیغنی بیلورم دیر ایدی. (معرفت حق سبحانه و تعالی حضرتلرینك و حدانیتی كوكلده تحقق ایتمكدن عبارتدر) (محبتك اصلی موافقادر محب شول كمسه+یه دیرلركه اول كمسه محبوبنك رضاسنی جمع اشیانك اوزرینه ترجیح ایده) سوزلری مشارالیهك كلمات
حكمت ایاتندتدر