استنزال الارواح — علم سحر فروعندن بر عملك اسمیدر.
بونك اربابی ارواحی برطاقم عزایم ایله تنزیل و قوالب اشباحه تحویل
ایله حصول مقاصد ایچون استخدام ایدرلر. و طائفۀ جن یاخود ملائکه+یی
مجسداً احضاره (علم الاستحضار) دیدكلی كبی تجسید و احضارسز
تسخیره دخی (علم العزایم) دیرلر. اوقودقلری عزایم برطاقم دعوتلر
و قسملردن و بو دعوتلره جمعیت فكر و پر هیز ایله دوامدن عبارتدر و ابتدای
عملده شویله بر عهدنامه اوقومق دخی عادتلریدر )بسم الله هذا كتاب
یما عهد سلیمان بن داود علیه السلام فیما عهد الجن و الشیاطین و اعلم ان الله
تعالی بمایقولون وكیل و عاهد تكم بعهدالله التامات و بعزته و جبروته و طاعته
فی خلقه و عظمته و عرشه و كرسیه و ارضه و سماواته و جنته و ناره و بخاتم
سلیمان بن داود علیهما السلام لایخالف عهدكم و میثاقكم ولاعن ماینزال
الیك من الاسماء المبارکة المیمونة المقدسة ان لاتعوذ بشیء من معصتیك
بعدیومنا هذا. الی اخره) و طالب و مطلوب و طلب و عناصره منسوب
حروفك عددلرندن دخی قواعد مخصوصه+سی اوزره ملائکه اسملری ترتیب
ایدرك عزایم مذكوره میاننه درج و وفقلر ترقیم ایلرلر