یحیی بن عیسی — ابن جزله دینمكله معروف اولوب طبدن
كتاب المنهاج صاحبیدر. اولا عیسوی اولدیغی حالده خواجه+سی ابن
علی بن الولیدك علی التوالی سرد ایتدیكی بر طاقم دلائل واضحه+سییله (١٠٧٣ م و ٤٦٦ ه) تاریخنده اسلامه كلمش و كتابلرینی وفاتندن اول
مشهدابی حنیفه+یه وقف ایدرك (٤٩٣ ه) سنه+سنده ارتحال دار بقا ایلمشدر
مومی الیه بغداد مشاهیر اطباسندن بری اولوب فقرای اهالی+یی مجاناً تداوی
ایدر و دفع احتیاجلری اغورنده دخی بر خیلی اقچه+لر صرف ایلر ایدی
تقویم الابدان و منهاج البیان فیما یستعمله الانسان و كتاب الاشاره فی تلحیص
العباره تصانیفندن اولوب مدح طبی متضمن بر رساله+سی و سائر برچوق
تألیفاتی واردر ادیده و خطده دخی ممتاز ایدی