یافه — قدس شریف سنجاغی داخلنده و قدس شریفك شمال
غربیسندن اللی بش و عكانك جنوب غربیسندن یوز كیلو مترو مسافه+ده
بر شهر و لیمان اولوب اکثریسی عثمانلی و بیك ایكی یوزی خرستیان اولمق
اوزره التی بیك نفوسی جامعدر. شهر دكزه طوغری ایلرولیان بر دیل
اوزرینه درجه درجه یاپلمشدر خراب بر قلعۀ داخلیسەسی و برچوق
جامعلری و جوارنده نفیس یمشلرله مالا مال باغچه+لری واردر تجارتی
جسیمجه و محصولی بغدای پرنج كتان بزی صابون یاغ پورتقال كبی شیلردر
یافه غایت قدیم اولدیغی جهتله نوح علیه السلام زمانندن قالمه+در دیرلر
و یهودیلر لطیف معناسنه اولەرق (ژویه) تسمیه ایدرلر. بو شهر
ازمنۀ متقدمه+ده بر چوق محاصراته دوچار اولدی و مصرلیلر و آثورلیلر
طرفندن ضبط و احراق و سیستیوس نام روما جنرالی طرفندن تخریب
و اون ایكنجی عصرده صلیبیون طرفندن ضبط اولندی و دها صكره
مصرلیلردن دولت علیه عثمانیەیه یدی. (١٧٩٩ م و ١٢١٤ ه) تاریخنده
فرانسزلر بوناپارت فومانداسنده اولدیغی حالده بو شهری ضبط ایلدیلرسەده
علت وبادن پریشان اولدیلر و (١٨٣٨ م و ١٢٥٣ ه)ده بر حركت ارض
شهرك قسم اعظمنی خراب ایدوب اون اوچ بیك كشی انقاض التنده قالدی