یاركند — تركستان چینی یاخود بخارای صغیرده (مه+لچا) (تلو) و یاركند نهرلرینك ملتقساسی اوزرنده خانلق مركزی بر شهر اولوب
التمش بیک نفوسی جامعدر. بر قلعۀ داخلیه+سی و اهالئ اسلامیه+یه مخصوص
ریاست كبری مقامی و ایكی چینلو ماندران (ماندران پورتکیزجه+دن مأخود
اولوب چین وزراسنه آوروپاده ویریلان نامدر) دائره+لری و بر كوزل
سرایی و جسیم پازاری و معارف عمومیه تأسیساتی و اقمشۀ حریریه و قطنیه
و كتان و قالیچه معمولاتی و بیوك تجارتی و برچوق یشیم و سائر ذی قیم
احجاری واردر. یاركند اون یدنجی عصر میلادیده كاشغر حكومتنك
كرسئ اداره+سی ایدی (١٧٥٧ م و ١١٧١ ه)دن برو چینلیلره کچمشدر