استرایج — روسیه چاری دردنجی (ایوان)ك (١٥٤٥ م
و ٩٥٢ ه) تاریخنده تشكیل ایتدینی بر صنف پیاده عسكرك اسمیدر.
بو عسكر هیئت ایمپراطورینك محافظه+سنه مأمور و ممتاز بولندیغی جهتله
خیلی زمان یرارلقلر كوستردیسه ده مؤخراً یكیچر یلر كبی سركشلكه
باشلادیغندن و (١٦٩٨ م و ١١١٠ ه) تاریخنده ایمپراطور بیوك پترونك
اوروپاده تحصیلده بولندیغنی فرصت اتخاذ ایدن قزقرنداشی محبوس
صوفیه)نك تشویقیله مشار الیهك و تشكیلی متصور اولان نظام جدیدك
علیهنه بر بیوك اختلال چیقاردیغندن مشار الیه عودتنده استرلیج اوجاغنك
الغاسنه قرار ویردی و ابتدا بعضیلرینی تأدیب ایدوب ایكنجی اختلاللری
عقیبنده یعنی (١٧٠٥ م و ١١١٧ ه) تاریخنده بتون بتون الغا و سبب الغا
و امحالرینی بر طاش عمود اوزرینه حك ایتدیردی