لغات تاریخیه و جغرافیه

Lugat-ı Tarihiyye ve Coğrafiyye

آستر

آستر — انفیپولی یعنی یانبولی شهری معتبرانندن مشهور بر كمانكشدر. ماكدونیا قرالی فلیب بونی بر مأموریتله قایرمدیغی ایچون خصومت پیدا ایدرك مسقط رأسی اولان متوسه كتمشیدی قرال مشارالیه متوسی محاصره ایدركن قلعه+دن بر اوق آتوب فلیبك صاغ كوزینی چیقاردی و یاننده بولنان وکلاسی اوقی معاینه ایتدكلرنده اوزرنده (فلیبك صاغ كوزینه) عباره+سی محرر اولدیغنی كوروب مهارتنه تعجب ایتدیلر و انلر دخی بر اوقك اوزرینه) اكر قلعه آلنور ایسه آستر صلب اولنور) دیه+رك یازوب قرال طرفندن آتدیلر و صكره قلعه+یی آلوب آستری صلب ایتدیلر