ابراهیم پاشا — فاتح اكری سلطان محمد خان حضرتلرینك وزرای
عظامندندر. بو ذات ابتدا بوسنه+دن دوشیرمه اوله+رق كلوب اندرون همایونه
قبول اولنمش و اوراده فن فروسیت و سلحشوری و سائره تحصیل و بر
طاقم مراتب قطع ایدرك رتبۀ وزارتی احراز ایتمش و مصر والیسی ایكن
عصیان ایدن درزی طائفه+سنی قهر و تنكیله صرف مقدور و غیرت
ایلدیكندن استانبوله چاغریلوب (٣٠٠٠٠٠) التون مهر ایله عایشه سلطان
تزویج اولنمشدر. مومی الیه (١٥٩٤ م و ١٠٠٣ ٥)تاریخنده ركاب همایون
قائممقامی و بر سنه صكره صدراعظم اولدی و اكری سفرنده ملازم ركاب
پادشاهی اولوب روز فیروز فتحده التفاته نائلیتی مأمول ایكن شیخ الاسلام
خواجه سعدالدین افندینك سوقیله بلا ایجاب عزل اولنوب قرق كون صكره
خرمنلی نام موقعده تكرار نصب اولندی و (١٥٩٩ م و ١٠٠٦ ه) تاریخنده
تاتار خان ماجراسی اوزرینه ینه عزل اولوب بر سنه صكره بتكرار مقام
صدارته كتورلدی و سنۀ مزبوره+ده سرعسكرلك عنواننی دخی اخذ ایدرك
مجارستانك ایچرولرینه قدر یورییوب اعدایه فوق الغایله دهشت ویردی
و اردوی همایونی هیج بر وقتده كورلمامش صورتده اموال غزا ایله مالامال
ایتدی. مومی الیه (١٦٠٠ م و ١٠٠٩ ٥) تاریخنده لوفجه حصارینی
و قانیژه قلعه+سنی فتح ایدرك بلغراد مشتاسنه عودت ایتدكده رهر و سمت عدم
اولمش و نعشی استانبوله كتوریله+رك شهزاده جامع شریفی حرمنه دفن اولنمشدر.
مومی الیه بش سنه امتداد ایدن زمان صدارتنده صدق حسن و انواع مظفریته مظهریتله كسب ممدوحیت ایتمش ایسه ده چندان ادخار امواله حریص اولمدیغندن جامع و مدرسه كبی بر اثر یاپوب براغه+مامشدر.