اسپانیا — اوروپای جنوبیده بر حكومت جسیمه+در حدودی
شمالاً غاسقونیا كورفری و فرانسه ممالكی و شرقاً بحر سفید و سبته بوغازی
و غرباً بحر محیط غربی و پورتکیز ممالكیدر و مجموع نفوسی اون التی
ملیون التی یوز بیك راده+سنده+در و اراضیسی عموماً منبت و محصولدار
ایسه ده بحر محیط غربی جهتی پك صیجاقدر.
اسپانیا ممالكنه ابتدا فنیكه+لیلر و صكره
یونانیلر و قرتاجلیلر و دها صكره یعنی
٥٢٦٩ خ) تاریخنده رومالیلر مالك اولوب (٤٠٩ م) تاریخنده وانداللره
و ویزیغوتلره انتقال ایتدی و (٧١٠ م و ٩٢ ه) تاریخنده عساكر اسلامیه
ویزیغوتلری شماله طوغری سوروب بر حكومت اسلامیه تشكیل ایلدی
و بو حكومت اون بر سنه ظرفنده پك چوق ممالك ضبط ایتدكدنصكره فرانسه
ممالكندن اولان (اربونه) و(قرقشونه) و (نیم) و (لیون و (اورغوسترون)
و (طور) شهرلرینی آلدی لكن (پوواتیه) محاربه+سنده بر بیوك بوزغون
ویردی و (٧٥٦ م و ١٢٩ ه) تاریخنده عبدالرحمن الامونیك ورود
و جلوسیله شامده اولان خلفای عباسبه+نك حمایه+سندن قورتلدی و (٩١٢
و ٣٠٠ ه) تاریخنده جلوس ایدن قهرمان زمان سلطان عبدالرحمن ببن الولاة
موجود اولان شقاقی برطرف ایتدكدن سكره فاس حكومتنی دخی زیر حمایه+سنه
الدی و (٩٨٠ م و ٣٧٠ ه) تاریخنده صدراعظم (محمد المنصور) قشتاله
سنجاغنی آوردۀ قبضۀ تسخیر و لیونی تكرار محاصره ایلدیسه ده وفاتندن
صكره ینه اختلالات داخلیه باش كوسترمكه و هر والی كندوسنی بر حكمدار
طانیوب مركز سلطنتی طایمامغه باشلادیغندن بالجمله اندلس ممالكی طوائف
ملوك هیئتنه كیروب اون عدد حكومات صغیره+یه منقسم اولدی و بو حال
اوزره اره+دن خیلی زمان كچوب تاریخ (١١٩٠ م و ٥٨٢ ه)یه بالغ اولدقده
پورتکیز جهتی و یكرمی اوچ سنه صكره فرانسه و ایتالیا و المانیا و لیون
قراللرینك بالاتفاق هجومله (طلیطله) و (طالوزه) سنجاقلری الدن
چیقدی و وقوعبولان غوغالرده متفقین عسكرینك النه كچن اسرای اسلامیه+دن
هیج بری صاغ قورتلمدی و معهود (انكیزسیون) جمعیت ظالمه+سی تشكیل
اولندی و (١٤٧٩ م و ٨٨٤ ه) تاریخنده اراغون قرالیچه سیله نوار
قرالی فردیناند ازدواج و مملكتلرینی اداره+ده اشتراك ایلدكلرندن اندلس
حكومت اسلامیه+سنك آتیسی قرانلقلشدی و اك صكره تخته جلوس ایدن
)عبدالله الصغیر) ایله عمیسنك سلطنت دعواسندن تولدایدن اختلال
(١٤٨٦ م و ٨٩٢ ه)
تاریخنده هر طرفدن مترصد فرصت اولان اعدایه
جسارت ویردیكی كبی التی سنه صكره مرقوم عبدالله الصنیرك عمیسنه قارشو
سلطنتدن دور اولمامق ایچون قرال فردیناند ایله ایتدیكی مقاوله بتون بتون
اسلامك عجزینی كوستردیكندن مرقوم فردیناند مقاوله موجبنجه همان
غرناطه+یی ابلوقه ایدرك ایچرو كیروب طقوز یوز قدر سنه+لك بر دولتی محو
و منقرض ایلدی. (١٨٠٨ م و ١٢٢٣ ه) تاریخنده فرانسه قرالی ناپلیون
بوناپارت اسپانیا ممالكنی برادری (ژوزف)ه احسان ایلدیكندن دولایی
ظهور ایدن محاربات تمام التی سنه سوردی و (١٨٧٣ م و ١٢٩٠ ه) تاریخنده
قراللق استیان قارلیست طاقمنك یكی تشكیل اولنان جمهوریت علیهنه
چیقاردقلری اختلال اسپانیا دولتنی بر ایكی سنه مشغول و مضطرب ایتدی.
اسپانیا دولتنك شمدیكی قوت و مكنتی ایچون )حكومت) كلمه+سنه و نام
عتیقی ایچون (اپیریا) كلمه+سنه نظر بیوریله