اسپارته — قونیه+نك جانب غربیسنده و قرق بش ساعت بعدنده
بر سنجاق مركزیدر بوراسی وقتیله امرای سلچوقیه+دن و حمید بكك بروجه
مالكانه تحت تصرفنده بولندیغندن الیوم حمید ایلی و حمید سنجاغی نامیله دخی
یاد اولنور اسپارته+ده اون اوچ جامع و التمش اوچ مسجد شریف و طقوز
مدرسه و بر قشله و اون ایكیبیك نفوس واردر هواسی غایت لطیف و معتدلدر
و هر درلو محصولدن بشقه اعلا بادم دخی چیقدیغندن یاغیله كلیتلو تجارت
اولنور. اسپارته و قره اغاج و یلواج و یكیشهر و سیدی شهری ناحیه+لرینی
سلطان مراد اول حضرتلری (١٣٨١ م و ٧٨٣ ه) ثاریخنده حمید بك
زاده+لردن حسین بكدن مبایعه ایتدی زیرا نواحیء مذكوره قرمان امارتنك
ایكیده برده تسلطندن قورتیله میور ایدی. خواجه منصور عطار حضرتلری
بوراده مدفوندر.