اسپارت نام دیكر (لاكه دیمون) — موره شبه جزیره+سنك
جهت شمالیسنده اسكی و مشهور بر جمهوریتدر. بو جمهوریت وقتیله
یونانستانك اك مقتدر بر جمهوری و اهالیسی اك شدید و شجیعی و وطنلرینك
فوق الغایه محبی ایدی اسپارتلولرك پك مختصر سوز سویلمكه مجبوریتلری
الیوم اوروپاده مشهوردر اسكی اسپارت شهری (٣٨٨٤ م خ) تاریخنده
یعنی میلادك بیك یدییوز اون سنه مقدمنده )ایناكوس) سلاله+سندن
اسپارتوس) نامنده بر حكمدار معرفتیله یاپیلوب یوز طقسان درت سنه
صكره مصرلی حكمدار (له+كس) یدیله توسیع و اعمار اولندی و شدتله
مشهور اولان (لیقورغ) قانونی (٤٧٣٨ خ) تاریخنده حكومتك جمهوریته
تحویلیله برابر نشر ایدلدی اسپارت شهر عتیقنك خرابه+سی اوزرینه
مؤخراً یكی اسپارت شهری یاپلمش و موره یونان دولتنه كچدكدنصكره شهر
جدید مزبور (لاقونیا) سنجاغنه مركز اولمشدر. اسپارتلولرك (مسه+نیا)لولرله آچدیغی برنجی محاربه یكرمی سنه سوروب مسه+نیالولرك مغلوبیت
و اسارتیله نهایت بولدی. و كندولری رومالولرك یونانستانی دور استیلاسنده
منقرض اولدی. (لیقورغ) كلمه+سنه نظر بیوریله