وولغا — آوروپای روسیده بتون اوروپانك اك بیوك نهریدر
اورال طاغلرندن نشأت ایله شرقه بعده جنوبه و جنوب شرقی+یه آقه+رق
تیومر اییار و سلاو قوسترومه نیژنی ایاتقه قزان سیمبر یسق صماره و استراقان
ایالتلرینی اروا ایلدكدن و صاغدن صولدن بر طاقم نهرلر الدقدن صكره یتمش
آغزله بحر حززه دوكیلور. طول مجراسی اوچ بیك بشیوز كیلومترودر
سیر سفائنه غایت مساعد ایسه ده فقط نهرك عمقی كون بكون آزالمقده اولدیغندن
ایلروده پك عادی سفینه+لرك بیله مرورینه نامساعد قاله+جغندن قورقلمقده+در
بالق آوی غایت مبذولدر و بر چوق قناللری واردر. بحر حززی قره دكزله
برلشدیرمك ایچون سلطان سلیم ثانی حضرتلری (١٥٦٧ م و ٩٧٥ ه) تاریخنده نهر مذكور ایله دون نهرینك بربرینه اك یقین اولان محلندن بر قنال
كشادینی تصمیم و كفه والیسی قاسم بكه امر ایلدی و بر چوق مهندسلر
و مأمورلر كوندردیسه ده تاتلرلر و التنجی یوان مانع اولدیغندن ترك اولندی
روسلر اورایه مالك اولدقدنصكره تصمیم مذكور اوزره (ایواندو) قنالنی آچوب بحرینی بربرینه قاوشدیرمشلردر. اسکی اسمی (را)