آسام — هند چینیده غرباً بنكاله و شرقاً چین ایله محدود انكلتره
مستملكاتندن بر قطعۀ جسیمه+در اشبو قطعه+نك یاغموری پك چوق اولدیغندن
دائما صو باصار و كافه+سی مجوسی اولمق اوزره نفوسی بر ملیونه قریب تخمین
اولنور و بیوك طاغلر ایله محاط بر اووه اوزرنده اولان مركز ادارە+سنه
)جوجه) دینور و اراضیسنده بوبر و زنجفیل و پاموق و ایپك و مسك
كبی شیلر و حبوبات سائره یتیشور. بوراسی مقدما كاه مستقلاً اداره اولنور
و كاه فلمنک دولتی حمایه+سنده بولونور ایكن انكلیزلر (١٨٢٦ م و ١٢٤٢ ه))
تاریخنده استملاك اتمشلردر