آسارخادون — ایكنجی آثور دولتی حكمدارلرندندر بونك
ایكی قرنداشی پدرلری مشهور سناخریبی سلطنت طمعیله اعدام و فرار ایلدیكی
جهتله میدان كندوسنه قالوب (٤٩١٨ خ) تاریخنده یعنی میلادك التی یوز
یتمش التی سنه مقدمنده تخته جلوس ایلدی و بر مدتدنبرو قطع رشتۀ
تابعیت ایدن بابل و مصر و حبشستان اهالیسنی تأدیب و اصلاحه و فنیكه+یی
استیلایه موفق اولدی و بر سنه صكره یهودا ملكی )منشا)نک اوزرینه
هجوم ایدرك قدس شریفی آلوب ملك مزبوری برطاقم معتبران ایله بابله
كوندردی و بلاد یهودیه و اسرائیلیه+یه )سااوسدوخوس) نامنده بر كلدانی
والی نصب ایتدی و بو والی بر مدت صكره استقلاله قالقیشوب بیچاره
یهودیلری درلو درلو بلالره اوغراتدی. یهودیلرك بیوك تغریبی بوندن
یتمش سنه صكره ایكنجی بخت نصر زماننده+در