لغات تاریخیه و جغرافیه

Lugat-ı Tarihiyye ve Coğrafiyye

آسا

آسا — (٤٦٥٠ خ) تاریخنده یعنی میلادك طقوز یوز قرق درت سنه مقدمنده قدس شریفده حكومت ایدن یهودا ملكلرندن بریدر. چوقدنبرو پتپرستلكه و هر درلو فسق و فجوره آلشمش اولان ملتنی اصلاحه و سوریه+ده )ارام) حكمداری اولان (ابن هداد) ایله اتفاق ایدرك حكومت اسرائیلیه نك مقدما تبعه+سنی قدس شریف و بیت مقدس زیارتندن منع ایچون یاپدیردیغی )رامه) معبدینی هدمه موفق اولدی و حبشیلرك بر ملیون عسكر ایله ایتدیكی هجومنه قارشو اوچیوز بیك قالقان و مزراقلی یهوده و ایكیوز سكسان بیك مزراق و اوق یایلی بنیامین عسكریله میدانه چیقوب حبشیلری رجعته مجبور ایتدی و اهالینك امنیتی ایچون اطرافی حصارلی برچوق شهرلر یاپدیردی مومی الیهك سلطنتی قرق سنه در. (عیسی) اشبو (آسانك) معربی اولمق كرك. تركجه+سی (آسه)