آزوت — یونانجه (هواء مماتی) معناسنه. بر مادۀ هوائیدر
(١٧٧٥ م و ١١٨٩ ه)
تاریخنده (روترفور) یاخود (لاوازیه) نامنده بر
ذات معرفتیله كشف اولندی. بو غاز هوای نسیمی تركببنده بشده درت
نسبتنده بولنمغله ایچنده یشادیغمز هوانك بر جزوء اصلیسی دیمك اولور
و استحصالی هوای نسیمیدن اولدیغی جهتله رنك و رایحه و لذتی یوقدر
ثقلت اضافیه+سی (٩٧١٣ ,٠) مقدارنده اولوب منفرداً اشتعال و تنممه غیر
صالح و بناء علیه دروننده ذی روحك هلاك و آتشك منطفی اولدیغی مثبت
و واضحدر. بو هوا علی الا كثر بعض متروك قویی و مغاره+لرله معدن
اوجاقلرنده موجود اولدیغندن اویله محللره كیدركن برابر ینار موم كوتورلمز
و موم سویندیكی كبی عودت ایدلمزسه موت مقرردر. آزوت حیوانات
و نباتاتده دخی بولونور