آزربایجان — ایران ممالكنك غرب شمالیسنده و روسیه
و دولت علیه حدودی اوزرنده بر قطعۀ جسیمه+در. و مركز اداره+سی
)تبریز) شهری اولوب (خوی) و (سلماس) و (اردبیل) و (عجان)
و (مراغه) ممالك مشهوره+سندندر. بو قطعه+ده مقدما درت ملیونه
قریب اهالی موجود ایكن اوغرادیغی انقلابات مناسبتیله شمدی بر بچق
ملیونه تنزل ایلدی.
بوراده پك اعلا تیمور و باقر و طوز معدنلری واردر و قابلیجه+لری
خسته+لره نافعدر. آزربایجان(٧٠٦ م و ٨٨ ه) تاریخنده ید اسلامیانه
كچدی و سلطان (مراد ثالث) و سلطان (سلیم اول) حضراتی طرفندن
كركی كبی تهدید و برقاچ دفعه استیلا اولندیسه ده محافظه+سی ممكن اوله+مدی.
)آزربایجان) نامنك (آتروپاتان)نك غلطی اولدیغنی و آتروپاتان اسكندر.
رومی جنراللرندن بر شخص ایدوكنی بعض مورخین بیان ایدییور