لغات تاریخیه و جغرافیه

Lugat-ı Tarihiyye ve Coğrafiyye

نابوپولاصر

نابوپولاصر — برنجی آثور حكمداری بخت نصر اول طرفندن بال والیسی ایكن (٤٩٦٩ خ) تاریخنده یعنی میلادك التی یوز یكرمی بش سنه مقدمنده ماد حكمداری برنجی (سیئازار) ایله بالاتفاق متبوعنی پریشان و بابلده استقلالنی اعلان ایدن ذاتدر. ترك و تاتارلرك بابلی محاصره ایتدیكنی خبر آلمسی اوزرینه (نینوه)نك ضبطنی وقت آخره براغوب همان عودت ایتمشیدی (٤٩٨٨ خ) تاریخنده اوغلی ایكنجی بخت نصر واسطه+سیله تكرار هجوم ایدرك نینوه و بالجمله آثوریایی ید ضبطنده زبون و بو صورتله قوجه آثور دولتنی محو و سرنكون ایلدی