لغات تاریخیه و جغرافیه

Lugat-ı Tarihiyye ve Coğrafiyye

نابلس

Nablus

نابلس — یاخود (نه اوپولیس) بو شهر پك اسكیدر حضرت سلیمان علیه السلامك وفاتیله یرینه اوغلی (رخبعیم) جلوس ایلدكده اون ایكی سبط خلفندن اون سبطی آیریلوب (بور بعام) نامنده برینه بیعت ایتمشیدی اول وقت مرقوم بور بعام اشبو نابلسك اولدیغی محله یعنی سامریه+نك جنوبنده و غاریزم طاغی جوارنده بر شهر نبا و پای تخت اتخاذ ایدوب اسمنی (شحیم) قودی و نیجه زمان صكره خراب اولوب اك صكره رومالولره انتقالنده ینه اعمار و روما كوچلرینه تخصیص و (نه اوپولیس) تسمیه ایدلدی نابلس بونك غلطیدر