میر علیشیر — نوایی مخلصیله شهیر بر ذات فضائلسمیردركه
تركی و فارسی اشعاری بین الشعرا مسلم اولمغله (ذواللسانین) دنیلور ایدی
چغتای كبرای امراسندن (الوس) نام ذاتك صلبندن مهد وجوده كلدی
اوائل حالنده تحصیل معارف امنیە+سیله برچوق محللرده سیر و سیاحت
و بو یوزدن نیجه مصائب طاقتفرسایه تصادفله مبتلای فقر و سفالت اولدیغی
حالده سلطان حسین بیقرانك جالس تخت سلطنت اولمسی اوزرینه هراته
كتوریلوب آز مدتده عهدەسنه رتبۀ رفیعۀ وزارت توجیه ایدلدی مؤخراً
كندو اختیاریله امور حكومتدن كف ید استغنا ایدرك كوشۀ انزوایه
چكلدی
مشارالیه عمرندن بردقیفە+سنی بیله مالایعنی+یه صرف ایتمیوب دائما نطم اشعار
آبدار و نشر آثار دلشكار ایله اوقات كذار اولمش و اوچ بوز قدر خیرات
شریفه تعمیر و تأسیسنه همت ایدرك الحاصل فضائل علمیه و خلقیە+یی بحق
جامع بر وجود نادرالموجود اولدیغنی ازهرجهت ارائه واثبلت ایتمشدر