اژدرهان — بحر حززك غرب شمالیسنده و ولغا نهرینك
بحر مذكوره منصب اولدیغی محلده روسیه دولتنك بر ولایتی مركزیدر.
بو شهر روسیه و بخارا و ایران و هندستان تجارلرینك موقع اخذ واعطاسی
اولوب اوچ عدد پازارینك بری روسیه و دیكری هندستان و اوبری ممالك سائره
امتعه+سی اخذ و اعطاسنه تخصیص اولنمشدر و لیمانی غایت كوزل و مهمدر
و اهالیسی قرق بشبیك راده+سنده ایسه ده اكثریسی حال بدویتدە+در.
اشبو ولایت بر مدت قریم تاتارلرینك مسكنی اوله+رق خانلق وجهله اداره
اولنوب (١٠٠٤ م و ٩٦٢ ه) تاریخنده روسیه+یه کچدی واون بش سنه
صكره دولت علیه طرفندن محاصره اولندیسه ده فتحی ممكن اوله+مدی.
)اژدرهان) حاجی ترخانك غلط و زبانزدیدر