لغات تاریخیه و جغرافیه

Lugat-ı Tarihiyye ve Coğrafiyye

آزاد

آزاد — نجبای اصحاب كرامدن فیروز الدیلمی حضرتلرینك عزاده+سی اولان صنعا والیسی (شهر)ابن بازان حضرتلرینك زوجۀ محترمه+سیدر. اواخر عصر سعادتده دعوای نبوتله یمنده ظهور و اکثر ممالك یمنی استیلا ایدن (اسود عنس) نام خبیث والیء مشار الیهی شهید ایتدكدن صكره زوجه+سی مشار الیهایی جبراً تزوج ایتمشیدی مؤخراً مرقوم اسودك بر تقریب اخذ و اعدامی خصوصنی علیه الصلوة والسلام افندمز انبار+ده بولنان (ابن عبد یغونه) فرمان بیوردی و اول دخی مشار الیهایه خفیاً آدم كوندروب استعانه و موافقتنی استحصال ایلدكدن صكره بر مقدار فدایی كوندردی و بو فداییلر بر كیجه مشارالیهانك تدبیر و دلالتیله اسودك یاتدیغی قصره كیروب خبیثی باغرته باغرته اعدام ایتدیلر. (بازان) و (اسود) كلمه+لرینه دخی مراجعت بیوریله