آرییوس — خرستیان پاپاسلرندندر و اصلی اسكندریه+لیدر.
بو ذات كتب عقائد نصارایی تدقیق ایدرك (٣٠٠ م) تاریخنده بر مذهب
جدید اعلان ایلدی و بو مذهب سائر پاپاسلرك حسابنه موافق
كلمدیكندن (٣٢٥ م) تاریخنده مومی الیهی ازنیق جمعیت رهبانیه+سنه
كتوردوب برچوق مباحثه+دن صكره مذهبنی رد و كندوسنی ضرب
و اناطولی ایچنه طرد ایلدیلر.
بونك اعلان ایتدیكی مذهب جناب حقك خالقیتنی و حضرت عیسی علیه السلامك
صفات آلهیه+یه مظهریتله برابر مخلوقیتنی و روح القدس بر بشقه جوهر
ایدوكنی تصدیق اساسلرندن عبارت ایدی. استانبول ایمپراطوری
قسطنطین مؤخراً مومی الیهك ذهابنی تصدیق ایدرك اطلاق و اسكندریه+یه
عودتنی فرمان ایلدیسه ده بیچاره اسكندریه+ده پاپاسلرك تحقیرینه تحمل
ایده+مدیكندن استانبوله هجرت و براز صكره مسموماً آخرته رحلت
ایلدی. اشبو ارییوس مذهبی اولوقت غوتلر و وانداللر و بورغونلر
و لومباردلر طرفندن قبول اولنه+رق (٦٦٠ م و ٤٠ ه) تاریخنه قدر دوام
ایتمش و صكره متروك اولوب مؤخراً (اونیتر) و ( سوسی ین) ناملریله
ینه تجدد ایلمشدر اعتقاد کلمه+سنده اون التنجی فرقۀ خرستیانیه+یه نظر بیوریله