مملكتین — نام عنیق (داچیا) جدیدی (رومانیا)در
بوراسی دولت علیه ادارەسنده ایكن افلاق و بغدان ناملریله ایکی ویودەلق اولدیغندن ایكیسی بردن مملكتین نامیله یاد اولنور و (افلاق) شمالاً ترانسیلوانیا و بغدان جنوباً طونه غرباً مجارستان ایله (بغدان) شملاً و شرقاً روسیه غرباً ترانسیلوانیا جنوباً افلاق ایله تحدید ایدیلور ایدی
صكرەدن الحاق اولنان ممالك ایله برابر اهالیسی بش ملیوندن زیاده تخمین اولنمقدەدر
مملكتینك هواسی اهالیسی كبی غایت متلوندر و واسع اورمانلری و كوزل
مرعالری و كهرچله نفط طوز و سائر معدنلری واردر. (۱۱۰ م) تاریخنده روما ایمپراطوری (تراژان) زیر حمایه+سنده اولان اشبو مملكتین اهالیسنی اوچ دفعه وقوعبولان عصیانلری اوزرینه اوروب تكرر عصیانلرینی منع ایچون طونه اوزرینه كاركیر بر كوپری یاپدیردی و مؤخراً غوت و هون و اوار و طقوزنجی و اون اوچنجی عصرلرده مغول طائفه+سی برر مدت اشغال و مخالفلریله حرب و جدال و تصرف ایدوب (۱۴۳۲ م و ۸۳۶ ه) تاریخنده لهستان و متعاقباً دولت علیه حمایه+سنه کچدی و (۱۴۶۱ م و ۸۶۶ ه) تاریخنده افلاق ویودەسی فاتح حضرتلرندن دفع اعدا ایچون بر مقدار عسكر استیوب كوندرلدكده جمله+سنی اعدام ایتمكله خیانتی اكلاشیلدیغنه بناء مشار
الیه حضرتلری بالذات كیدوب تماماً آجیسنی چیقاردقدنصكره ولایت مذكوره+یی بر نوع اداره مختاره ایله ممالك دولت علیه+یه الحاق ایلدی
و بو تاریخندن اعنباراً بر مدت لهلولر ایله دولت علیه بیننده منازع فیه قالوب صكره سلطان سلیم و سلیمان حضراتی زمانلرنده دولت علیه حق ایتدی
و (۱۷۱۲ م و ۱۱۲۹ ه) تاریخنده وبوده+لغك استانبول فنارلیلرینه توجیهی بر قاعده تحتنه كیردی و ایكی سنه صكره قسماً اوستریا حمایه+سنه كچوب یكرمی بر سنه صكره بلغراد معاهده+سی موجبنجه ینه اعاده اولندی و روسیه (۱۷۹۲ م و ۱۲۰۸ ه) تاریخنده منعفد یاش معاهده+سی موجبنجه مملكنین اوزرینه بر نوع حق نظارت قزاندی و بعض تشویقات اوزرینه اهالیده مملكتین بكلكنك برلشمسی افكاری قوت آلمغه باشلادیغندن دولت علیه بو افكارده اولنلرك محلی مجلسنه اعضا انتحابنی منع ایتمکله روسیه و پروسیا و فرانسه و ساردنیا دولتلری متفقاً دولت علیەیی پروتستو ایتدیلر و دولت علیه دخی ایکی مملكته بر بك قبول ایده+میه+جکی جوابنی ویرمسی اوزرینه ایش دول مشار الیهمك قطع مخایره+سنه قدر یاقلشدیغی حالده ینه دولت علیەنك دلخواهی اوزره حصولپذیر اولدیسه ده بش التی سنه صکره اهالی ینه تحریكاته مبنی بكلری اولان (قوزه)یی قوز قابوغنه قوپارق فراره مجبور
و متعاقباً یعنی (۱۸۶۶ م و ١٢٨٣ ه) تاریخنده پروسیا زادكانندن اولوب اوروپا دولنلرینك تنسیبیله و دولت علیەیه قارشو صورت غیر رسمیه ایله
كلان (شارل هوهنزولن)ی ینه دولت علیه حمایه+سنده اولمق اوزره بكلكه فبول ایتدیلر و دولت علیه دخی ناچار قبول ایدوب بو صورتله ایكی مملكت برلشه+رك رومایا نامنی آلدی و و (۱۸۷۸ م و ۱۲۹۵ ه) تاریخنده رومانیا دولت علیه+یه قارشو روسیه ایله برلشه+رك دولت علیه ایله محاربه ایدوب خیلیدن خیلی یوز آغرتدیغندن برلینده عقد اولنان قونغره مكافات مخصوصه اولمق اوزره رومانیایه دخی سلسترە+دن اشاغی طونه+نك صاغ جهتنی و وارنه و شمنی و صوفیه ولایاتنی احسان ایتدی