ارنود — روم ایلندە شمالاً بوسنه و قره طاغ اراضیسیله و غرباً وندیك
و شرقاً سلانیك كورفزلریله محدود ولایاتده ساكن اولان قومك اسمیدر. ارنودلغك
جهت جنوبیسنده واقع (برات) و (تبه دلن) و (یانیه) و (ترحاله)
قضالرنده ساكن اولنلره طوسقه و جهت شمالیسنده واقع اشقودره و پرزرین
و اسكوب و (دبره) و (یاقوه) و (ایپك) قضالرنده ساكن اولنلره (كه+غه)
دیرلر و طوسقه+لر (لاپ) یاخود (لیاپ) و (ژاپیدی) و (مره+دیت)
و (قله+منت) و سائره ناملریله قبائل متعدده+یه منقسم اولدیغی كبی (كه غه) لر دخی
اووه و طاغ قبیله+لرینه تقسیم اولنورلر و الیوم اصول و عادات قدیمه+لرینی
محافظه ایدرلر و فخذلرینه (فیس) دیرلر. ارنودلرك اصلی اسكی (پلاز)لر
و (للژ)لر ظن اولنور ایسه ده صحتنه حكم اولنه مز.
ارنودلق مقدما برقاچ دفعه (اپیر) و ماكیدونیا و روما شرق ایمپراطورلری
حمایه+سنه کچوب متعدد پرنسلكه تقسیم اولنمش و او پرنسلردن بری
(١٤٣٥ م و ٨٣٩ ه)
تاریخنده دولت علیه حمایه+سنی قبول ایدرك اوغلنی
رهن طریقیله درسعادته كوندرمش ایدی بو چوجق اسكندر بك نامیله
بر مدت سرای همایونده تربیه اولدقدن صكره پدرینك وفاتی مناسبتیله طرف
دولت علیه+دن مملكتنه پرنس تعیین و ارسال اولندیسه ده اورایه واردیغی كبی
طوری دكشدیردی و برقاچ دفعه عصیان ایلدیكندن متصرف اولدیغی
ارنودلق ضبط اولنوب طوغریدن طوغری اداره اولنان ممالك صره+سنه ادخال
اولندی. فرنكلر ارنودلغه (البانی) دیرلر البانی )سلت) لساننده طاغ
معناسنه اولان البدن مشتقدر. ارنودلر كندیلرینی )اشكیبتار) وارنودلغی
)اشکیپه+ری) یاخود اسكیپه+نی دیه طانورلر البانی دیمسنی استه مزلر و اصلا
طانیمزلر اسكندر كلمه+سنه دخی نظر بیوریله