ارمیاء علیه السلام — پیغمبران بنی اسرائیلدندر. بو ذات
بابلیلرك تحت حمایه+سنده یهود حكمداری اولان )یوسیا) و (الیاقیم)
و (صدقیا) زمانلرنده قدس شریفده ساكن اولور و هركسك عهد آلهی+یی
ترك و بعللره پرستش و زنایی مباح ایتدیكیچون غضب آلهی ظهور ایده+جكنی
و ممالك یهودیه بابل ملكی یدیله خراب اوله+جغنی و مصرلولرك معاونتی ممكن
اوله+میه+جغنی و استغفار و اطاعتدن بشقه چاره اولمدیغنی سویلر كزر ایدی.
٥٠٠٧ خ) تاریخنده یعنی میلادك بشیوز سكسان یدی سنه مقدمنده مرقوم
صدقیا اولجه ایتدیكی عهد و یمینك خلافنده حركتله بابلیلره عصیان ایلدیكندن
مشهور ایكنجی (بخت نصر) كلوب اون سكز آی قدس شرینی محاصره
ایتدی و اثنای محاصره+ده (ارمیاء) علیه السلام بابلیلره طرفدار ظن
اولنه+رق حبسه و بعده آچلقدن تلف اولمق ایچون بر قوری قیویه القا اولنوب
عبدالملك نامنده بر حبشینك اخبار و التماسیله ینه براغلدی و مصرلولرك
یهودیلره معاونت وعدی یالكز بر لفظدن عبارت قالدیغندن بخت نصر قدس
شریقه كیروب كاملاً احراق و یغما ایلدی.
حضرت ارمیانك بخت نصردن حرمت كوردیكی و دیلدیكی كبی حركته
مأذونیت آلدیغی معلوم ایسه ده قدس شریفده ترك اولنان التمش كشی ایله
برابر قالدیمی یوخسه مصره هجرت ایدنلرله كتدیمی معلوم دكلدر فقط
مصره هجرتی اغلب احتمالدر و یوز اللی یاشنده اولدیغی حالده اوراده
شهید اولمشدر (٥٠١٠ خ).
اللی ایكی بابی مشتمل اولان سفر مخصوصی و بش بابی مشتمل اولان نیاحاتی
زیر توراتده محرردر یهودیلر نیاحات مذكوره+یی دائما اوقور اغلارلر.
حضر علیه السلامك بر اسمی دخی (ارمیاء)در