معزالدولة — عباسیه خلفاسندندر زمان سلطنتنه مصادف
بولنان(٩٦٢ م و ٣٥١ ه) تاریخنده بغدادده بولنان شیعیلر جناب معاویه
ایله برقاچ ذاتك اسملرینی لعنتله یازوب جامع قپولرینه آصمشلر ایدی اهل
سنت بونلری كورمسیله قالدیروب آتملری اوزرینه (معز) دفع نزاع ایچون
ینه آصلمسنی امر ایتدیسە ده وزیری و سائر سنیلرك مخالفتی جهتیله ممكن
اولمدیغندن نهایت (لعن الله الظالمین لال رسول الله صلی الله علیه و س)
كلماتنك تحریر و تعلیقنه ایکی طرفك موافقتیله قرار ویرلدی. ذی الجه+نك
اون سكزنجی كونی عید غدیر طوتلمسی و محرمك اوننجی كونی ماتم كربلا
ایدلمسی معزالدولە+نك جملۀ بدعاتندندر
بو اثناده مصرده فاطمیلر دخی اذان محمدی+یه (حی علی خیرالعمل) لفظنی
علاوه ایلدیلر