مشهد علی — عراق عربده امام علی كرمالله وجهه و رضی
الله عنه حضرتلرینك مدفون اولدقلری مظنون اولان نجف اشرف نام
محلده مبنی بر شهردر بغدادك یوز اوتوز اوچ فرسخ اعشاری جنوبنده و فرات
نهرینك بر شعبه+سی اوزرنده بولنور و نفوسی یدی بیك قدر تخمین اولنور
هر سنه بر چوق زوار كلوب مشهد مزبوری زیارت ایدرلر. شهر مزبوری
اسكندر رومی بنا ایتمكله برچوق وقت (سسك) نامیله یاد اولنمشدر و بر ارالق
بر عرب امارتنك دخی مقری اولوب (٤٣٢ م) تاریخنده خرستیانلر طرفندن
دوچار استیلا اولمشدر. ممالك عثمانیه+یه الحاقندن چوق صكره وهابیلرك
استیلاسنه دخی كرفتار اولدی ایسەده چابق قورتارلدی لكن و مشهدده
اولان نوادر اشیا وهابیلرك ورودندن براز اول بشقه محله آشیرلمشیدی