اركلی — یاخود (هراكلیوس) — اسكی یونانیلرك هركول نام
شخص موهومه نسبتله بعض شهرلره ویردكلری اسمدر. بونلردن ممالك
شاهانه+ده اولنلرك برنجیسی مرمره دكزینك روم ایلی ساحلنده و استانبولك
سكسان بش كیلومترو بعدنده اولان (اركلی) نام دیكر (پرانتوس)
قصبه+سیدر بو قصبه ماكیدونیا قرالی فلیبك محاصره سندن یعنی میلادك
اوچیوز قرق بر سنه مقدمندنبیرو خراب بر حالده ایسه ده سفاین تجاریه+نك
اوغراق بر لیمانی و روم ایلینك اپیچه بر اسكله+سی اولدیغندن مهم و معتبردر
اكنجیسی قره دكزك اناطولی ساحلنده و استانبول بوغازیك یوزیتمش كیلومرو
بعدنده اولان (اركلی) نام دیكر (ایریبولوم)در بوراده پك چوق
معدن كموری چیقار و اهالیسی سكز اون بیك تخمین اولنور اوچنجیسی
قونیه+نك جنوب شرقیسنده و یوز اون بش كیلومترو بعدنده اولان و الیوم
قائمقاملق مركزی بولنان (اركلی)در.
ایتالیاده الیوم (پولیقورو) دنیلان قصبه+نك نام عتیقی دخی (هراكله لوقانیه)
اولدیغی كبی فرانسه ده الیوم (سن تروپه+س) دنیلان قصبه+نك و سجلیاده
اولان (مینوا)نك نام عتیقی دخی هراكلیوس ایدی. ذكر اولنان
هراكله لوقانیه قصبه+سنده حضرت عیسی علیه السلامدن بیك یدییوز اوتوز
بر سنه مقدم تاریخلو و پرنج لوحه+لر اوزرینه محكوك یازولر بولنمشدر