لغات تاریخیه و جغرافیه

Lugat-ı Tarihiyye ve Coğrafiyye

آرغونوت

Argonot

آرغونوت — اسكی یونان قباداییلرندن و آتنه زادكانندن مركب بر هیئت سیاره+در. بو هیئت تسالیا قرالنك اوغلی (زازون)ك تحت قومانداسنده اللی درت كشیدن عبارت اوله+رق (پیئوتی) قرالنك اوغلنی قتل ایدن قولشید قرالندن اخذ انتقام ایتمك و بحر سفیدك بر و طرف سواحلنی و مرمره دكزیله قره دكزك اناطولی قییلرینی طولاشوب استفاده ایلمك اوزره غلوصدن یوله چیقوب ٤٢٤٤ خ) تاریخنده یعنی میلادك بیك اوچیوز اللی سنه مقدمنده بعص سواحلی غارت ایدرك باته چیقه سینوبه قدر كتدیلر و قولشید قرالنك پای تختنی برباد و قزینی اسیر ایتدیلر ایسه ده قرال مرقومك تعقیبلرینه مأمور ایتدیكی آدملرك سرعتله ورودندن تخلیص كربان ایده+میه جكلرینی اكلادقلرندن روم ایلی قییسنه كچمكه مجبور اولدیلر و طونه بوغازندن ایچرو كیرە+رك و قایقلرینی صرتلرینه آله+رق براً وندیك كورفزینه و اورادن دخی هوانك مخالفتی جهتیله اسكندریه+یه قدر كیدوب كوج حالله تسالیایه عودت ایده+بیلدیلر. بونلرك قییلره صوقولمق ایچون طاشیدقلری قایقلر سپت اوزرینه كرلمش اوكوز دریسندن ایدی.