محمد بهاءالدین بن محمد البخاری — طریقت نقشبندیه
صاحبیدر. مشار الیه باطناً خواجه عبد الخالق غجدوانی حضرتلرینك
روحانیتلرندن و ظاهراً سید امیر كلال حضرتلرندن كسب فیض و معرفت
ایدوب (١٣٨٨ م و ٧٩١ ه) تاریخنده وفات ایلمشدر
خواجۀ اعظم بهاء الحق والدین نقشبند
آنكه مشهور ولایت شد كمال ملتش
مسكن و مأوای اوچون بود قصر عارفان
قصر عرفان زین سبب آمد حساب رحلتش
قطعه+سندكی (قصر عرفان) ترکیبی وفاتنه تاریخدر قصر عارفان ایسه
مفاد قطعه+دن مستبان اولدیغی اوزره بخارادن بر فرسخ اوته+ده شیخ مشار
الیهك مسكن و مأواسی اولان بر قصبه+در. نقشبندیه طریقنه بوندن اول یعنی
عبد الحالق غجدوانی+یه کلنجه+یه قدر طریق خواجكان دینلور ایدی
اساس اداب نقشیه (هوش دردم. نظر در قدم. سفر در وطن. خلوت در انجمن . یادكردد. بازكشت. نكاه داشت) دن عبارتدر بر روایته
كوره مولانا جلال الدین رومی حضرتلری لفظۀ جلال ذكرینی شاه نقشبنده
تبلیغ اولنمق اوزره (عزیزان) دیمكله معروف خواجه علی رامیتنی
حضرتلرینه تلقین و مشار الیه دخی كذلك امیركلال حضرتلرینه تفهیم ایدوب
اوده شاه نقشبند حضرتلرینه تبلیغ ایلمشدر
علاءالدین عطار و حافظ بخاری محمد پارسا صاحب طریق مشار الیهك اخص
خلفاسندن اولوب دها پك چوق خلیفه و مریدلری واردر