ارطغرل غازی — جد سلاطین عثمانیان سلیمان شاه حضرتلرینك
اوغلی و سلطان غثان غازی حضرتینك پدریدر. مشارالیه (١٢٢٤ م
و ٦٢١ ه) تاریخنده پدری ایله ارزنجاندن تر كستانه عودت ایدركن اورفه
مضافاتندن جعبر قلعه+سی جوارنده پدری مغروقاً وفات ایلدیكندن درتیوز
قدر چادر خلقیله قرنداشلرندن آیریلوب ارضرومه كلدی و یدی سنه
یاسین اوە+سنده اقامت ایدوب اندن صكره سلطان علاءالدین سلچوقیدن بر
مقدار اراضی التماس ایتمك اوزره قونیه+یه عزیمت و سلطان مشار الیهی تاتارلر
ایله محارب بولدیغندن معیتنده اولان برقاج یوز سواری ایله معاونت و تاتارلری
مجبور رجعت ایلدی و بو خدمتنه مكافاةً قره طاغ یایلاغی و مؤخراً سكود
اراضیسی تملیك و احسان بیورلدیغندن (١٢٨١ م و ٦٨٠ ه) تاریخنه قدر
بورالرده توطن و فرصت دوشدکجه دولت مشار الیها نامنه روملر ایله محاربه
ایتدی و تاریخ مذكورده طقسان یاشنده اولدیغی حالده وفات ایلدیكندن
یرینه اوغلی سلطان (عثمان غازی) حضرتلری رئیس قبیله اولدی